Gå tur og finn eit tre de vil følgje gjennom eit heilt år. Vel helst eit lauvtre, for bartre endrar seg ikkje så mykje gjennom årstidene. Finn ut kva art treet er. Gje gjerne treet dykkar eit namn, og hugs å gje det ein god klem når de kjem på besøk. Har treet endra seg frå sist gong de var der? Ser de dyreliv i nærleiken? Småkryp, fuglar, eller spor og teikn etter dei?
Kåre Kråke har i tillegg laga nokre spørsmål som de kan svare på i løpet av dei ulike årstidene:
Haust (september-november): Har treet byrja å endre farge på blada, eller har det mista dei? Kor høgt er treet? Kva er omkrinsen på stammen?
Vinter (desember-februar): Sjå nærmare på barken til treet, er han glatt eller grov? Kva farge har han? Kor mange greiner har treet?
Vår (mars-mai): Har treet dykkar byrja å få blad? Besøk gjerne treet litt oftare i denne perioden, slik at de kan få med dykk når blada sprett ut.


















