Fitnet ohcamin muora maid áigubehtet čuovvut olles jagi. Válljejehket áinnas lastamuorra, danne go goahccemuorat eai rievddat nu olu jagiáiggiid mielde. Gávnnahehket mii muorrašlájaid lea. Biddjet nama iežadet murrii ja muitet buorrestit dan go fitnabehtet dan luhtte. Lea go muorra rievdan mannan háve rájes? Oidnojit go eallit lahkosis? Divrrážat, lottit dahje luottat?
Garjá Kåre lea dasa lassin ráhkadan moadde gažaldaga maidda sáhttibehtet vástidit iešguđet jagiáiggiid áigge:
Čakča (čakčamánnu–skábmamánnu): Lea go muora lasttat ruškkodišgoahtán dahje luoitigoahtán? Man allat lea muorra? Man gassat lea mátta?
Dálvi (juovlamánnu–guovvamánnu): Geahčadehket muora bárkku, lea go livttis vai roamššas? Makkár ivdni das lea? Man galle oavssi leat muoras?
Giđđa (njukčamánnu–miessemánnu): Leat go din muoras luotkanan lasttat? Fitnet áinnas muora luhtte dávjjit dán áigodagas vai oaidnibehtet go urbi luotkana.


















