Garjáfaktat
Garjját leat čáhppes ja ránes lottit main lea čohkalis njunni ja guhkes bađuš. Dat leat hui jierbmát ja liikojit bargat ovttas gávdnan dihtii biepmu. Garjját gávdnojit miehtá máilmmi, maiddái Norggas. Dat loktet sihke vuovddis ja gávpogis, ja oidnojit dávjá párkkain ja bealdduin.
Garjját borret buot, juoga mii mearkkaša ahte borrá sihke šattuid ja elliid. Liikojit borrat šaddosiid, nihtiid, divrriid, unna ealli ja jápmán njiččehasaid. Go vel biebmobázahusat ruskalihtiin leat njálgát daid mielas. Muhtun garjját leat maiddái oahppan geavahit reaidduid vai fidnejit biepmu.
Garjjá ráhkuma leat don sihkkarit gullan ovdal, kráá-kráá dadjet dat girddašettiin. Dat ráhkadit maid iešguđetlágan jienaid gulahallan dihtii gaskaneaset, nugo muitalit váraid birra dahje merket iežaset territoria. Ja lehpet go fuomášan ahte eanaš lottit sarčot (njuikot) go vázzet, ja garjá ges vázzá?
Vaikko olu olbmuid mielas garjá lea giksin, de dat rievtti mielde leat hui ávkkálaččat lundui. Boahtte háve go oainnát garjjá girddašeamen, de sáhtát lohkat hei ja giitit go veahkeha. Mainna son dat veahkeha?
