Mii dutkat

Oassebargu

Mii dutkat

naturoppdrag bilde
Garjá Kåre háliida diehtit háliidehpet go dii dutkat geđggiid?

Dii dárbbašehpet:
  • Geđggiid mat leat unnimus čorpma stuoru.

Ná dahkabehtet:
Dii galgabehtet gávnnahit iežadet geđggiid historjjá. Dalle fertebehtet geahčadit geađggi minstariid. Leat go das dielkkut vai stábit? Lea go gearddástuvvan geađgi? Vai ii go leat mihkkege – bálkestehket geađggi ja ohccet ođđa.

Go lehpet gávdnan geađggi mas leat dielkkut dahje stábit, de lohkabehtet geađggi historjjá.

Geđggiid historjá

Dilkos geđggiid historjá
Dilkos geađggit leat oktii leamaš šolgan geađggit – lává. Lává lea issoras báhkas ja golgi. Go čoasku, de dat garrá ja šaddá geađgin. Lává gávdno guuuuhkkin eanagara vuolde. Jus ádjána guhká ovdal go lává garrá, de geađggis šaddet kristállat mat orrot dego dielkkut. Go geađgi ádjána menddo guhká garrat, de šaddet stuorra dielkkut.

Stáhppás geđggiid historjá
Stáhppás geđggiin lea leamaš guhkes mátki. Dat sáhttet ovdamearkka dihtii álgit dilkos geađgin mii lea deddojuvvon guhkás eanagara sisa máŋggaid duháhiid jagiid. Eanagara vuolde lea nu báhkas ja nu alla deatta ahte geađgi njuvdojuvvo oktii. Dalle dielkkut šaddet stáhpin. (Mo čilget deaddaga mánáide: go njeallje máná veallájit ovtta ollesolbmo alde, de lea oalle garra deatta ollesolbmui).

Gearddástuvvan geđggiid historjá
Ii leat álo álki oaidnit ahte gearddástuvvan geađgi lea gearddástuvvan. Soaittát oaidnit meahcis gerddiid váris doppe gos leat gávdnan geađggi. Gearddástuvvan geađggit leat sáddot ja čievra mat leat čoagganan mearrabodnái. Johka dat doalvu čievrra ja geđggiid merrii. Gearddit šaddet guhkes áiggi mielde. Vuolimus gearddit deddojuvvojit nu garrasit oktii ahte šaddet geađgin. Jus ležžet leamaš jápmán eallit dahje šattut čievrra gaskka, de dat šaddet oassin geađggis. Daid mii gohčodit fossiilan. Fossiillat gávdnojit dušše gearddástuvvan geđggiin.

Mii leat ráhkadan Luonddubargguid

Besøkssenter i Norge logo
Miljødirektoratet logo
Naturfagsenteret logo

Čuovo min Instagramas maiddái

Geahča maid earát leat dahkan Luonddubargguin: