naturoppdrag bilde
Garjá Kåre háliida diehtit lea go dis miella ráhkadit njeašši?

Dii sáhttibehtet ovdamearkka dihtii ráhkadit njeašši duolba plastihkkalihttái dahje uvdnagárrái. Dii dárbbašehpet dušše sáddo sáttokássas, čáhcebohttala ja veahá suinniid. Dis dáidá leat maiddái juoga mii sulastahttá elliid mat ellet njeaššis? Ovdamearkka dihtii guolgamáđut ja skálžžut mat leat stánžžis, ja lottit mat borret daid iežaset guhkes, čohkalis njuniiguin? Dáidá iđistit skážas mii lea bivdimin čuoikkaid? Dahje girdisáhpán mii lea bivdimin divrriid?

Ná sáhttá bargat:
1. Álle lihti veahá.
2. Juohke mánná viežžá čorpma dievva sáddo man bidjá lihti bajit oassái.
3. Njorre čázi lihti vuolit oassái. Dii lehpet dál ráhkadan njeašši.
4. Mánát sáhttet dasto viežžat veahá suinniid maid bidjet lihti bajit oassái. Dál sáhttibehtet čiŋahit njeašši, áinnas liđiiguin ja bihcabáhcahiiguin.
5. Mánát sáhttet maiddái árvalit mat eallit ellet njeaššis ja gávdnat juoga mii sulastahttá ealli man sáhttibehtet bidjat lihttái.
naturoppdrag bilde
naturoppdrag bilde

Rávvagat ollesolbmuide:
Mánát sáhttet áinnas ráhkadit iešguđetlágan nješšiid: Jogaid, jogažiid, jávrriid, ládduid, jekkiid ja fiervváid. Njeašši lea maiddái sáltečáhci gitta 6 mehtera čikŋodahkii. Viečča inspirašuvnna Njeaššeatlasis.

Njeaššis lea eallin. Olu šlájat loktet njeaššis danne go doppe gávdná olu biepmu, ja go guovlu lea nu máŋggabealat. 

Mii leat ráhkadan Luonddubargguid

Besøkssenter i Norge logo
Miljødirektoratet logo
Naturfagsenteret logo

Čuovo min Instagramas maiddái

Geahča maid earát leat dahkan Luonddubargguin: