Dát
lea árbevirolaš stoagus mas galgá lihkadit. Dii dárbbašehpet buori sajis, ja
sáhttibehtet stoahkat olgun dahje lášmmohallansáles.
Ná
galgá stoahkat:
Okta
olmmoš (ollesolmmoš) válljejuvvo riebanin ja okta ges lotteeadnin. Ráhkadehket
guokte linnjá maid gaska lea ovdamearkka dihtii 20 mehtera. Mánát čuoččastit
nuppi linnjá ala, ja lotteeadni ges čuoččasta nuppi linnjá ala. Rieban galgá
leat linnjáid gaskka selggolassii mánáide. Ja de čurvejuvvo: Lotteeadni: «Buot
mu lottit, bohtet ruoktot boradit!» Buot lottečivggat: «Mii eat duostta!»
Lotteeadni: «Manne?» Buot lottečivggat: «Rieban áigu min borrat!» Lotteeadni: «Bohttet
liikká!» Buot čivggat viehkalit, ja rieban geahččala váldit sin gitta. Dat geat
váldojit gitta, šaddet riebanin. Ná galgá stoahkat dassážii go buohkat leat váldon.
Variašuvnnat
aktivitehtas:
Lotteeadni sáhttá ovdamearkka dihtii čuorvut sin geain dušše leat rukses
biktasat badjelis (guovssolottit/ruksesruoivilat), dušše fiskes biktasat
badjelis (alitgaccehat/buoidegaccehat), čáhppes biktasat (garjját, čáhppesrástát),
vilges biktasat (skávhllit), jnv.






















