Mii stoahkat

Oassebargu

Mii stoahkat

naturoppdrag bilde
Garjá Kåre háliida diehtit lea go dis miella stoahkat boazu ja goddesáhpán?

Dálvet lea hirbmat buolaš ja dávjá muohta. Dalle lea váttis elliide gávdnat biepmu. Dat fertejit goaivut dan muohttaga vuolde. Boazu guohtu jeahkáliid ja goddesáhpán ges sámmáliid. Boazu haksá jeahkála muohttaga vuolde ja gaccaiguin goaivu suovnnji. Goddesáhpán roggá manahagaid muohttaga vuolde ja nie gávdná sámmáliid.

Dii galgabehtet dál leat boazu ja goddesáhpán mat leat ohcamin sámmáliid ja jeahkáliid dálvet.

Dii dárbbašehpet:
1. Báberbihtáid dahje eará ávdnasiid mat mahkáš leat ruoná sámmálat ja čuvges jeahkálat.
2. Juoga masa čohkke biepmu, omd. unna gorežiid, lákcajiekŋalihtiid dahje dušše čohkket čorbmii.
Na galgá stoahkat: 
Mánát válljejit háliidit go leat boazu dahje goddesáhpán. Háddje biepmu. Ollesolbmot čihket 'jeahkáliid' ja 'sámmáliid' miehta lanja dahje olgun eatnamii. Bohccot ja goddesáhpánat guhtot. Mánát dahkaluddet iežaset haksimin biepmu, goaivumin suovnnji ja loahpas čogget biepmu. Goddesáhpánat čogget sámmáliid ja bohccot ges jeahkáliid.

Eará láhkai stoahkat:
Stohkosis ollesolmmoš sáhttá leat "dálki". Dalle ollesolmmoš fáipu juogamainna, ovdamearkka dihtii fielluin, vai "biebmu" girdá birra. Ollesolmmoš sáhttá maiddái čurvet "dálki!". Dálkkis mánát fertejit čuožžut áibbas jaska ja váruhit čohkkejuvvon biebmu ovdal go sáhttet ohcat eambbo biebmu.

Eanet barggut: Sámmálat ja jeahkálat

Mii leat ráhkadan Luonddubargguid

Besøkssenter i Norge logo
Miljødirektoratet logo
Naturfagsenteret logo

Čuovo min Instagramas maiddái

Geahča maid earát leat dahkan Luonddubargguin: