Čálihehket ovtta dahje eanet ságastallankoartta ja geavahehket govaid ságastallat mánáiguin mii nješšiin lea nu dehálaš. Ságastallet mánáiguin smávva joavkkuin main leat 4–6 máná. Sáhttibehtet juogo čájehit dušše dan koartta mii sulastahttá eanemus dan njeašši gos lehpet fitnan, dahje geahčadit buot njeallje gova.
Rávvagat ollesolbmuide:
Njeaššit leat dehálaččat danne go leat nu issoras olu eallit ja šattut mat ellet ja šaddet dain (stuorra biologalaš šláddjivuohta). Njeaššit leat earret eará bárbmolottiid bisánansajit. Nješšiin lottit vuoiŋŋastit, borret ja juhket čázi. Njeaššit leat maiddái dehálaččat midjiide olbmuide, danne go dat addet midjiide buhtes čázi ja eastadit dulvvi (erenoamážit jeaggi). Dasa lassin mii doppe vuojadit, skeittástallat, bivdit ja murjet. Ja de leat vel čábbát oaidnit. Oppalaččat lea dehálaš ahte gávdnojit olu iešguđetlágan eallit ja šattut, go mii leat áibbas sorjavaččat nubbi nuppis.






















